ԱՄՆ Գաղտնի ծառայության ղեկավար Քիմբերլի Չիթլը հրաժարական է տվել այն բանից հետո, երբ իր ղեկավարած կառույցին չի հաջողվել կանխել ԱՄՆ նախագահի թեկնածու Դոնալդ Թրամփի դեմ մահափորձը։ Այս մասին հաղորդում է CNBC հեռուստաընկերությունը։

Ավելի վաղ Չիթլը Կոնգրեսի Վերահսկիչ և հաշվետվողականության հանձնաժողովի լսումների ժամանակ խոստովանել էր, որ մահափորձը գաղտնի ծառայության «հսկայական ձախողում» էր, և որ այն կարելի էր կանխել: Լսումներին մասնակցած մի քանի օրենսդիրներ բացահայտորեն կոչ էին արել Չիթլին հրաժարական տալ իր պաշտոնից:

ԱՄՆ նախագահ Ջո Բայդենը հայտնել է, որ շուտով կնշանակի ծառայության նոր տնօրեն։