Այսօր Արարատի մարզում  Շիրակի մարզի բնակիչ 36-ամյա Մխիթար Տ․-ն` իր վարած «MAN» մակնիշի ցեմենտ տեղափոխող բեռնատարով, Երևան-Երասխ ավտոճանապարհի Փոքր Վեդի գյուղի վարչական տարածքում՝ ժողովրդին հայտնի Խոր Վիրապի խաչմերուկին, բախվել է հեծանվորդ, Արարատի մարզի բնակիչ 59-ամյա Գագիկ Հ․-ին։

Shamshyan.com-ի փոխանցմամբ՝ հեծանվորդը կողաշրջվել է։ Վարորդը փախուստի չի դիմել, քաղաքացիների օգնությամբ օպերատիվորեն դեպքի վայր ժամանած «Արարատ» բժշկական կենտրոնի շտապօգնության բժիշկների հետ  վրաերթի ենթարկվածին տեղափոխել «Արտաշատ» բժշկական կենտրոն։ Վթարի փաստով Վեդիի քննչական բաժնում նախաձեռնվել է քրեական վարույթ։