Վեդի համայնքի Փոքր Վեդի բնակավայրի մանկապարտեզում տեղի ունեցած զարհուրելի դեպքի առիթով տվյալ դաստիարակը և մանկապարտեզի տնօրենը հրավիրվել են ոստիկանության Արարատի բաժին։

Այս մասին ֆեյսբուքյան իր էջում գրել  է Վեդիի համայնքապետ Գարիկ Սարգսյանն` անդրադառնալով երեխայի ծեծի դեպքին։

«Վստահեցնում եմ՝ մեղավորները խստագույն պատժի կենթարկվեն։ Հետամուտ եմ լինելու նաև նման վարք ունեցող մանկավարժներին ժամ առաջ մեր մանկապարտեզներից մաքրելու գործում»,-գրել է նա։

Նշենք, որ կինը ձերբակալվել է, գործը փոխանցվել է Քննչական կոմիտեին։