33-րդ ամառային Օլիմպիական խաղերի լողի մրցաշարում Հայաստանից առաջինը մրցեց լողորդ Վարսենիկ Մանուչարյանը: 

«Արմենպրես»-ի թղթակցի փոխանցմամբ`  Փարիզի «La Defense» արենայում կայացած որակավորման փուլի 100 մետր բատերֆլայ ոճում Մանուչարյանն իր լողահերթում երրորդն էր` 1:01.24 արդյունքով:

Որակավորման փուլում Մանուչարյանը միայն 26-րդն էր:

Կիսաեզրափակիչ դուրս եկան առաջին 16 մարզիկները: 

Հայաստանի հավաքականից լողի մրցաշարին հուլիսի 30-ին կմասնակցի նաև Արթուր Բարսեղյանը: Նա ուժերը կչափի100 մետր ազատ ոճում:

Հուլիսի 27-ին պայքարի մեջ կմտնեն նաև հրաձիգ Էլմիրա Կարապետյանը և մարմնամարզիկներ Արթուր Դավթյանը և Վահագն Դավթյանը: