2024 թվականի Փարիզի Օլիմպիական խաղերի սպորտային մարմնամարզության մրցաշարում ընթանում է որակավորման փուլը, որտեղ Հայաստանը ներկայացված է երկու մարզիկներով՝ Արթուր Դավթյան և Վահագն Դավթյան։

Փարիզի «Բերսի» մարզապալատում անցկացվող սպորտային մարմնամարզության օլիմպիական մրցաշարում Արթուր Դավթյանը երկու ցատկերի հանրագումարում վաստակեց 14.666 միավոր:

Վերջնական արդյունքով մարզիկը դուրս եկավ եզրափակիչ փուլ։

 

Մրցահարթակ դուրս եկավ նաև Եվրոպայի կրկնակի փոխչեմպիոն, աշխարհի գավաթակիր Վահագն Դավթյանը: Օղակների վարժության որակավորման փուլում Վահագնը վաստակեց 14.733 միավոր:

 

Վերջնական արդյունքներով օղակներ վարժության եզրափակիչի ուղեգիր նվաճեց նաև Վահագն Դավթյանը։

 

Եզրափակիչը տեղի կունենա օգոստոսի չորսին: