Փարիզի Օլիմպիական խաղերի կազմակերպիչները ներողություն են խնդրել խաղերի բացման արարողության ժամանակ  Լեոնարդո դա Վինչիի «Խորհրդավոր ընթրիքի» ծաղրանմանակման համար։ Կազմակերպիչների ներկայացուցիչ Աննա Դեսկամպսը մամուլի ասուլիսում ներողություն է խնդրել, հայտնում է Reuters-ը։

«Ակնհայտ է, որ մեր նպատակը երբեք չի եղել որևէ կրոնական խմբի անհարգալից վերաբերմունք ցուցաբերել: Բացման արարողությունը նպատակ ուներ տոնել հասարակության հանդուրժողականությունը»,- ասել է Դեսկամպը:

Բացման արարողության գեղարվեստական ​​ղեկավար Թոմաս Ջոլին  ասել է, որ կրոնական սադրանքը չի մտնում իր ծրագրերի մեջ։