Իսրայելի արտաքին գործերի նախարար Իսրայել Կացը պատասխանել է Թուրքիայի նախագահ Ռեջեփ Թայիփ Էրդողանի հայտարարությանը, որ նա պատրաստ է «մտնել» Իսրայել անհրաժեշտության դեպքում։ Նա համեմատել է Էրդողանին մահապատժի ենթարկված Իրաքի առաջնորդ Սադամ Հուսեյնի հետ, գրում է Times of Israel-ը՝ վկայակոչելով X սոցիալական ցանցում Կացի հրապարակումը։

Ավելի վաղ Էրդողանը հայտարարել էր, որ Անկարան կարող է «մտնել» Իսրայել այնպես, ինչպես մի անգամ մտել է Լիբիա և Ղարաբաղ։

«Էրդողանը գնում է Սադամ Հուսեյնի ճանապարհով և սպառնում է հարձակվել Իսրայելի վրա, նա պետք է հիշի, թե ինչ է տեղի ունեցել այնտեղ (Իրաքում - խմբ.) և ինչպես ավարտվեց այդ ամենը», - մեջբերում է Կացը։