Ադրբեջանցիները բլրի գլխին հեռադիտարկան-հետախուզման սարքավորում են դրել: Այս մասին ֆեյսբուքյան իր էջում գրել է լրագրող Ոսկան Սարգսյանը։

«Սահմանազատման անվան տակ, միակողմանի, ապօրինի կերպով հանձնվեցին Հայաստան-Վրաստան միջպետական ավտոճանապարհի հարակից գոտում, Կիրանց-Բաղանիս հատվածում գտնվող կարևոր, 30 տարում ամրացված դիրքերը։ Ադրբեջանին նույնիսկ նախատեսվածից ավել դիրքեր են հանձնել։

Օրինակ, Բաղանիս-Այրումին  հարակից գոտում գտնվող «Նոր տարի» պաշտպանական դիրքը ի սկզբանե չէր նախատեսվում հանձնել, սակայն ի վերջո  այն հանձնեցին Ադրբեջանի զինուժին։ Երկու օր  առաջ ադրբեջանական դիրքում, բլրի գագաթին վերջերս տեղադրված սարքավորում եմ նկարել; Ենթադրվում է, որ այն նախատեսված է Հայաստանի տարածքի խորքում  դիտարկումներ, հետախուզում  կատարելու համար»։