Կոնֆերենցիաների լիգայի խաղարկության որակավորման երկրորդ փուլի պատասխան խաղում «Փյունիկը» ընդունել էր հյուսիսմակեդոնական «Ստրուգային» և հաղթեց 3-1 հաշվով։

Երևանյան ակումբը դուրս եկավ մրցաշարի որակավորման 3-րդ փուլ։ Հիշեցնենք՝ առաջին խաղում մեր թիմը պարտվել էր 1-2 հաշվով։

«Այս հաղթանակը պատահական չէր։ Նախորդ խաղում ասել էի, որ մրցակցին ավելի մոտիկից ճանաչելով՝ ավելի հեշտ է աշխատել։ Մեր խաղի ծրագիրը ստացվեց։

Ամբողջությամբ նոր տակտիկայով խաղացինք։ Գնացինք այդ ռիսկին, մնում էր երեք օրում թիմը պատրաստվեր և արդյունքում՝ թիմը յուրացրեց նոր տակտիկան։ Մեր պրեսինգը աշխատեց ճիշտ, նոր տակտիկան արդարացված էր», -ասել է «Փյունիկի» գլխավոր մարզիչ Եղիշե Մելիքյանը հետխաղյա մամուլի ասուլիսի ժամանակ