Իրանում եռօրյա սուգ է հայտարարվել ՀԱՄԱՍ-ի քաղաքական առաջնորդ Իսմայիլ Հանիեի սպանության համար։

Այս մասին հայտնում են իրանական լրատվամիջոցները։

Նշենք, որ ՀԱՄԱՍ-ի ղեկավարը Իրան էր գնսցել մասնակցելու Իրանի նոր նախագահ Մասուդ Փեզեշքիանի երդման արարողությանը։ Իսրայելի ռազմական ավիացիան հրթիռակոծել է Թեհրանում նրա նստավայրը։ Արդյունքում սպանվել է Հանիեն և նրա թիկնապահը։

Հիշեցնենք նաև, որ ապրիլի 10-ին Գազայի հատվածին իսրայելական հարվածի ժամանակ սպանվել են պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի երեք որդին ու երեք թոռը։