Հռոմի Մոնտե Մարիո բլրի շրջանում հսկայական հրդեհ է բռնկվում, տարհանվում են բնակելի շենքերն ու գրասենյակները, հայտնում է Reppubblica թերթը։
Բլրից վեր բարձրանում են սև ծխի սյուններ։ Որպես նախազգուշական միջոց՝ մարդկանց տարհանել են Աստղագիտական ​​աստղադիտարանի շենքից, Կարաբինիերի կայանից, ինչպես նաև RAI հեռուստաալիքի գրասենյակից։ Հեռարձակումն ընդհատվել է։

Շտապ տարհանվել են նաև հրդեհի էպիկենտրոնին մոտ գտնվող փողոցների տների բնակիչները։ Բնակիչները խոսում են «շարունակական պայթյունների» մասին: Արդեն մի քանի մեքենաներ են այրվել, մտավախություն կա, որ կրակը կտարածվի փողոցում կայանված մյուս մեքենաների վրա։ Հաղորդվում է, որ հրդեհը տարածվում է:

Ենթադրվում է, որ հրդեհը սկսվել է Ռոմեո Ռոմեի փողոցի տնակային թաղամասերում։ Դրա մարմանը մասնակցում է տասը հրշեջ բրիգադ և երկու ուղղաթիռ։ Հրշեջների աշխատանքը բարդանում է քամու ուղղության կտրուկ փոփոխություններով։

Տեսանյութը՝ Telegram-ում։