Քննչական կոմիտեն միջնորդություն է ներկայացրել դատարան՝ Արամ Երիցյանին կալանավորելու վերաբերյալ։ Այս մասին ֆեյսբուքյան իր էջում հայտնել է Արամ Երիցյանի եղբայրը՝ փաստաբան Ռոման Երիցյանը։

«Մինչև հիմա հույս էինք պահում, որ Քննչական կոմիտեն չի դիմի դատարան եղբորս կալանավորելու միջնորդությամբ, բայց ապարդյուն: Քիչ առաջ տեղեկացանք, որ նախաքննական մարմինը դիմել է դատարան՝ եղբորս կալանավորելու համար երկու ամսով: Հիմա ես եւ եղբայրս ունենք բոլորիդ աջակցության կարիքը՝ և՛ արցախցիների, և՛ Հայաստանի բոլոր քաղաքացիների, այն  բանի համար, որ եղբայրս ենթարկվել է շատ դաժան ծեծի, ունի վնասվածքներ եւ այս վիճակում նրան տանում են կալանավորման, իսկ պարեկները գտնվում են ազատության մեջ»,- ասաց նա։

Նշենք, որ նախաքննական մարմինն ու Ռոման Երիցյանը միմյանց մեղադրում են կողմերի նկատմամբ ուժ կիրառելու մեջ։

Ըստ ՔԿ-ի՝ Արամ Երիցյանը հարվածել է պարեկին, որից հետո պարեկներն արցունքաբեր գազ են օգտագորձել և նրան տարել բաժին (տեսանյութ)

Մոտ 10 պարեկ դաժանաբար ծեծի են ենթարկել եղբորս և կոտրվածքներով տեղափոխել ոստիկանություն. Սամվել Շահրամանյանի փաստաբան Ռոման Երիցյան (տեսանյութ)