Թուրքիայի նախագահ Ռեջեփ Թայիփ Էրդողանը շաբաթ օրը Ստամբուլում ընդունել է պաղեստինյան ՀԱՄԱՍ շարժման քաղբյուրոյի սպանված ղեկավար Իսմայիլ Հանիեի որդիներին, հայտնում է Star թերթը։

 «Նախագահ Ռեջեփ Թայիփ Էրդողանն ընդունել է ՀԱՄԱՍ-ի քաղբյուրոյի սպանված նախագահ Իսմայիլ Հանիեի որդիներին՝ Աբդուսսալամին և Հեմմամ Հանիեին»,- գրում է հրատարակությունը։

Հուլիսի 31-ին պաղեստինյան ՀԱՄԱՍ շարժումը հայտնել է շարժման քաղբյուրոյի ղեկավար Իսմայիլ Հանիեի մահվան մասին Թեհրանում նրա նստավայրին իսրայելական հարվածի հետևանքով, ուր նա ժամանել էր Իրանի նախագահի երդմնակալությանը մասնակցելու։