Հանրապետական ​​կուսակցությունից ԱՄՆ փոխնախագահի թեկնածու Ջեյմս Դեյվիդ Վենսը ABC-ին տված հարցազրույցում ասել է, որ երկրում մոտ 20 միլիոն անօրինական միգրանտ կա, մինչդեռ ինքն առաջարկում է սկսել նրանց արտաքսել։

«Այսօր ԱՄՆ-ում ապօրինի մոտ 20 միլիոն մարդ կա, իմ առաջարկը հետևյալն է՝ եկեք սկսենք 1 միլիոնից և հետո անցնենք առաջ»,- ասել է Վենսը։

Հանրապետականները, այդ թվում՝ նախկին նախագահ և նախագահի թեկնածու Դոնալդ Թրամփը, հանդես են գալիս Միացյալ Նահանգներում միգրացիոն քաղաքականության կտրուկ խստացման օգտին։ Ինքը՝ Թրամփը, բազմիցս խոստացել է, եթե վերադառնա Սպիտակ տուն, նախաձեռնել ԱՄՆ պատմության մեջ ամենամեծ արտաքսման արշավը։