Երանոսում վնասվել է դպրոց, մանկապարտեզ, 56 տների պատերին ճաքեր են հայտնվել. ՆԳՆ խոսնակը՝ վերջին երկրաշարժի մասին

«Երանոս բնակավայրում 56 տների պատերին արձանագրվել են տարբեր չափերի ճաքեր, 4 անասնագոմի հողաշեն պատերից պոկվել և ընկել են քարեր, 22 շենք-շինություններում, այդ թվում՝ Երանոսի թիվ 1 միջնակարգ դպրոցի, մանկապարտեզի, անասնագոմերի պատերին և Ծովասար բնակավայրում 2 տան պատերին առկա են եղել ճաքեր, Ծակքար բնակավայրում վնասվել են միջնակարգ դպրոցի, Սուրբ Աստվածածին եկեղեցու և մշակույթի տան պատերը, առկա են եղել նաև ճաքեր»,-  ՆԳՆ խոսնակ Նարեկ Սարգսյան: