ԱՄՆ նախագահ Ջո Բայդենը հեռախոսազրույց է ունեցել Ուկրաինայի նախագահ Վլադիմիր Զելենսկիի հետ։ Այս մասին հայտնում է Սպիտակ տան մամուլի ծառայությունը։

Ամերիկացի առաջնորդը շնորհավորել է Զելենսկին օգոստոսի 24-ին նշվող Ուկրաինայի գալիք Անկախության օրվա կապակցությամբ։ Զրույցի ընթացքում նա հայտնել է Ամերիկայի անսասան աջակցությունն Ուկրաինայի ժողովրդին։ «Նրանք օրեցօր պաշտպանում էին այն արժեքները, որոնք միավորում են մարդկանց ինչպես մեր երկրներում, այնպես էլ ամբողջ աշխարհում, ներառյալ անկախությունը»,- ասել է Բայդենը։

Բայդենը խոսել է նաև Ուկրաինային ռազմական օգնության նոր փաթեթի բովանդակության մասին։

Ավելի վաղ ԱՄՆ Սենատի արտաքին հարաբերությունների հանձնաժողովի անդամ Ջիմ Ռիշը Ջո Բայդենին մեղադրել էր Ուկրաինայի վերաբերյալ ռազմավարությունը բացահայտելուց վախենալու մեջ։ Նա հավելել է, որ նրանք, ովքեր պաշտպանում են Կիևին աջակցելը, «դա կուրորեն չեն անում»։