Փարիզում Էյֆելյան աշտարակի կառուցմանը ևս մարդիկ ժամանակին դեմ էին, մինչդեռ այժմ այն Ֆրանսիայի ամենակարևոր տեսարժան վայրերից մեկն է։

 

Այս մասին այսօր լրագրողների հետ զրույցում ասաց ԲՀԿ առաջնորդ Գագիկ Ծառուկյանը` պատասխանելով Հիսուս Քրիստոսի արձանի կառուցման վերաբերյալ որոշակի քննադատությունների:

 

«Ամեն ինչ ժամանակին կապացուցվի։ Ես կարող եմ ասել, որ սա լինելու է մեր երկրի համար ճանաչման, հզորացման միջոց, հրաշալիքներից մեկն է լինելու։ Ժամանակի ընթացքում դեմ արտահայտվողները դա կհասկանան։  Ես քննադատությունն ընդունում եմ, միայն չեմ ընդունում չարախոսությունը», - ասաց Գագիկ Ծառուկյանը:

 

Նա նաև որպես օրինակ բերեց Աբովյան քաղաքում կառուցված Սբ. Հովհաննես եկեղեցին, հիշեցնելով, որ այդ եկեղեցու կառուցումը ևս քննդատվում էր, սակայն հիմա այնտեղ հավատացյալների այցը չի դադարում: