Միջոցառման առաջին օրվա բացմանը ներկա են գտնվել և ելույթով հանդես են եկել ՀՀ նախագահ Վահագն Խաչատուրյանը, ՀՀ վարչապետ Նիկոլ Փաշինյանը, ինչպես նաև ՀՀ փոխվարչապետեր Մհեր Գրիգորյանը և Տիգրան Խաչատրյանը։

 

Ելույթներին հաջորդել են քննարկումներ, որոնց ժամանակ անդրադարձ է կատարվել ՀՀ արտաքին քաղաքական առաջնահերթությունների կյանքի կոչման ուղղությամբ իրականացվող քայլերին, առկա ձեռքբերումներին և ակնկալիքներին, միջազգային գործընկերների հետ համագործակցության ընդլայնման ուղղությամբ հնարավորություններին։

 

Անդրադարձ է կատարվել նաև ընթացիկ գործընթացներին, առկա մարտահրավերներին, դրանց հասցեագրման ու հաղթահարման ուղղությամբ գործադրվող ջանքերին, ինչպես նաև այդ նպատակով միջազգային գործընկերների հետ շարունակական փոխգործակցության հարցերին։