Ֆրանսիայի խորհրդարանի ստորին պալատի պատգամավորները՝ LFI (La France insoumise) կուսակցությունից, կառաջարկեն պաշտոնանկ անել երկրի նախագահ Էմանուել Մակրոնին այն բանից հետո, երբ նա հրաժարվել է վարչապետ նշանակել ձախ կոալիցիայի «Նոր ժողովրդական ճակատի» թեկնածու Լյուսի Կաստեին, ասել է LFI համակարգող Մանուել Բոմպարդը։

Ելիսեյան պալատում խորհրդակցությունների առաջին փուլից հետո Մակրոնը հայտարարել է, որ համաձայն չէ «Նոր Ժողովրդական Ճակատի» (NFP) թեկնածուի՝ կառավարությունը գլխավորելու առաջարկին։

«Մակրոնը հրաժարվում է Լյուսի Կաստեին նշանակել վարչապետ...  LFI Ազգային ժողովի բյուրոյին կներկայացնեն պաշտոնանկության առաջարկ՝ սահմանադրության 68-րդ հոդվածի համաձայն, իսկ վարչապետի ցանկացած այլ թեկնածուի առաջարկին, Լյուսի Կաստետից բացի, անվստահություն կհայտնվի»,- ասվում է X սոցիալական ցանցում Բոմպարայի էջում հրապարակված հայտարարության մեջ: