Յոթ մարդ, այդ թվում՝ երեք երեխա, տուժել են Ան-2 ինքնաթիռի կոշտ վայրէջքի հետևանքով: Թռիչքի ժամանակ ինքնաթիռի մեջ նաև պարաշյուտիստներ կային, որոնք նախքան վայէջքը պանավորված ցատկել են օդանավից: Դրանից հետո թռիչքի ընթացքում արտակարգ իրավիճակ է առաջացել, որի պատճառով օդաչուները ստիպված վայրէջք են կատարել լեռնանտառային տարածքում՝ Կոբան գյուղի մոտակայքում:
ՏԱՍՍ-ը հավաքել է հիմնական տեղեկությունները միջադեպի մասին:
Միջադեպի հանգամանքները
ԴՕՍԱԱՖ-ի օդանավակայանից թռած Ան-2 ինքնաթիռը կոշտ վայրէջք է կատարել Հյուսիսային Օսեթիայի Պրիգորոդնի շրջանում:
ԱԻՆ-ի տվյալներով՝ օդանավի օդաչուն ինքնուրույն դիմել է փրկարար ծառայություն և պատմել տեղի ունեցածի մասին:
Օդաչուն չի կարողացել նշել վայրէջքի ճշգրիտ վայրը, որոնման համար ուղարկվել է ևս մեկ ինքնաթիռ:
Ան-2-ն արտակարգ վայրէջք է կատարել արոտավայրում, հայտնել են Ռուսաստանի ԴՕՍԱԱՖ-ի Վլադիկավկազի աերոակումբում:
Ինքնաթիռը կատարում էր ուսումնամարզական թռիչք:
Փրկարարական գործողություն
Ինքնաթիռը գտնվում է Մայրամադագ և Կոբան գյուղերի միջև: Այս տարածքում տեղանքը լեռնային է:
Դժվարամատչելի տեղանքի պատճառով Ռուսաստանի ԱԻՆ աշխատակիցները ճանապարհի մի մասն անցել են ոտքով:
Դեպքի վայր են ուղարկվել հինգ շտապօգնության մեքենա, բժիշկները նույնպես դեպքի վայր են գնացել ոտքով:
Տուժածներ
ԱԻՆ-ի տվյալներով՝ Հյուսիսային Օսեթիայում Ան-2 ինքնաթիռի կոշտ վայրէջքի հետևանքով տուժել է յոթ մարդ, նրանցից երեքը՝ երեխաներ:
Հյուսիսային Օսեթիայի Պրիգորոդնի շրջանում Ան-2 ինքնաթիռի հետ կապված միջադեպում զոհեր չկան, ճշտել են աերոակումբում:
Ռուսաստանի ԱԻՆ աշխատակիցները երեք տուժածի տեղափոխել են մեքենա, որը կարողացել է առավելագույնս մոտենալ օդանավի վայրէջքի վայրին:
Մնացած տուժածները կարողացել են ինքնուրույն հասնել բժիշկներին՝ փրկարարների ուղեկցությամբ:
Հետաքննություն
Քննչական կոմիտեի քննիչները և Հարավային ռազմական օկրուգի ռազմական դատախազությունը ստուգումներ են անցկացնում Ան-2-ի կոշտ վայրէջքից հետո: