Նովոսիբիրսկի մարզի Բերդսկ քաղաքը մնացել է առանց էլեկտրաէներգիայի, երբ նավակը բախվել է էլեկտրամատակարարման հոսքագծին, տեղեկացնում  է «Коммерсантъ»-ը: Դեպքը տեղի է ունեցել լ Բերձ (Бердь) գետի մերձակայքում:

2021 թվականի տվյալներով, Բերդսկում ապրում է մոտ 100 հազար մարդ։

Քաղաքապետ Ռոման Բուրդինը Telegram-ի իր ալիքում գրել է, որ նավակի անձնակազմի բոլոր անդամները ողջ են։ Նրա նախնական տվյալներով, դեպքի պատճառը եղել է տեխնիկական անսարքությունը։

Ռուսաստանի քննչական կոմիտեի տրանսպորտային բաժինը սկսել է հետաքննել դեպքը՝ կապված ներքին ջրային տրանսպորտի անվտանգության կանոնների խախտման հետ՝ ՌԴ Քրեական օրենսգրքի 263-րդ հոդվածի հանգամանքներով: