ՌԴ նախագահ Վլադիմիր Պուտինի՝ Ուլան Բատոր կատարած այցի ֆոնին ԱՄՆ-ը հայտարարել է, որ հասկանում է Մոնղոլիայի ծանր իրավիճակը և կշարունակի աջակցել դրան։

Այս մասին հայտարարել է Պետդեպարտամենտի խոսնակ Մեթյու Միլլերը։

«Մենք հասկանում ենք, թե ինչ բարդ իրավիճակում է գտնվում Մոնղոլիան։ Մենք կշարունակենք աջակցել Մոնղոլիային, բայց կարծում ենք, որ կարևոր է, որ նրանք կատարեն իրենց միջազգային պարտավորությունները»,- ընդգծել է Միլլերը։

Հիշեցնենք, որ Մոնղոլիան այն երկրներից է, որը ստորագրել է Միջազգային քրեական դատարանի կանոնադրությունը՝ Հռոմի ստատուտը։ Ըստ այդ պարտավորության՝ Մոնղոլիան պետք է ձերբակալեր Վլադիմիր Պուտինին երկիր մուտք գործելուց հետո։