«Երևանյան երկխոսություն» միջոցառման ամբողջական ծրագիրն արդեն հասանելի է: Այս մասին հաղորդում են ՀՀ ԱԳՆ-ից։

ՀՀ ԱԳ նախարար Արարատ Միրզոյանը միջոցառմանը հանդես կգա բացման խոսքով, ինչպես նաև կմասնակցի «Հարավային Կովկասը խաչմերուկում. տրոհված լինելու և համագործակցության միջև» խորագրով պանելային քննարկմանը:

Նույն պանելային քննարկմանը կմասնակցեն նաև Լյուքսեմբուրգի և Հունգարիայի ԱԳ նախարարները, Իրանի և Վրաստանի ԱԳ նախարարների տեղակալները, Լիտվայի նախկին նախագահը:

Միջոցառումը կկայանա սեպտեմբերի 9-11-ը Երևանում։