Ֆրանսիական կինոյի լեգենդ Ալեն Դելոնն իր կարողությունը կտակել է իր զավակներին։  Ինչպես տեղեկացնում է «Արմենպրես»-ը, վկայակոչելով Le Figaro-ն, աշխարհահռչակ դերասանը չորս էջում նկարագրել է, թե ինչպես պետք է ունեցվածքը բաժանվի իր որդիների՝ Էնթոնիի և Ալեն-Ֆաբիենի և դստեր՝ Անուշկայի միջև։ 

Ամենամեծ ժառանգությունը կստանա 33-ամյա Անուշկան՝ 50 տոկոսը, իսկ որդիները կբաշխեն մյուս կեսը և կստանան 25-ական տոկոս։ Ալեն Ֆաբիեն Մորիս Մարսել Դելոնը ծնվել է 1935 թվականի նոյեմբերի 8-ին։ Որպես դերասան՝ հայտնիների շարքում հայտնվել է շատ արագ. արդեն 23 տարեկանում նրան համեմատում էին ֆրանսիացի այնպիսի դերասանների հետ, ինչպիսիք են Ժերար Ֆիլիպը և Ժան Մարեն, ինչպես նաև ամերիկացի դերասան Ջեյմս Դինը։

Դերասանը ֆրանսիական կինոյի ոսկե դարաշրջանի աստղ էր, որը հայտնի էր էկրանին իր կոշտ  կերպարով:Ընդհանուր առմամբ, նա իր կարիերայի ընթացքում նկարահանվել է ավելի քան 90 ֆիլմում։Այս տարվա օգոստոսի 18-ին հայտնի է դարձել, որ ութսունութ տարեկան հասակում մահացել է ֆրանսիական կինոյի լեգենդ Ալեն Դելոնը։