Ըստ ՏԱՍՍ լրատվական գործակալության, Ռուսաստանի զինված ուժերը հարված են հասցրել Կրիվոյ Ռոգ քաղաքին, որտեղ գտնվում էին Ուկրաինայի զինված ուժերի օտարերկրյա վարձկանների ժամանակավոր տեղակայման երեք կետեր:

Ռազմական շրջանակներում աղբյուրը հայտնել է. «Սեպտեմբերի 4-ին Կրիվոյ Ռոգ քաղաքում օտարերկրյա վարձկանների ժամանակավոր տեղակայման երեք կետերին հասցված համակցված հրթիռային հարվածի արդյունքում հակառակորդը կորցրել է ավելի քան 250 մարտիկ»:

Աղբյուրը նշել է նաև, որ զոհվածների թվում շուրջ 70 ֆրանսիացի և ռումինացի հակաօդային պաշտպանության մասնագետներ և անօդաչու թռչող սարքերի արտադրությամբ զբաղվողներ են եղել:

Բացի այդ, հրթիռային հարված է հասցվել նաև Օդեսայի մոտակայքում գտնվող ռազմական օբյեկտներին՝ «Իսկանդեր-Մ» օպերատիվ-մարտավարական հրթիռային համալիրով: «Ոչնչացվել է 20 անօդաչու թռչող սարք», - նշել է աղբյուրը: