8 հայ բռնցքամարտիկ դուրս է եկել Վրաստանի Գորի քաղաքում ընթացող աշխարհի ու Եվրոպայի չեմպիոն Գեորգի Կանդելակիի անվան միջազգային մրցաշարի եզրափակիչ։ Այս մասին հայտնում են Հայաստանի բռնցքամարտի ֆեդերացիայից։

Ոսկե մեդալների համար կպայքարեն 48 կգ քաշային Հովհաննես Հարությունյանը, 51 կգ քաշային Ռուդոլֆ Գարբոյանը, 54 կգ քաշային Ռուսլան Ասլիկյանը, 60 կգ քաշային Արթուր Սահակյանը, 67 կգ քաշային Արես Հակոբյանը, 71 կգ քաշային Նարեկ Զախարյանը, 75 կգ քաշային Գարիկ Անթանոսյանը և 80 կգ քաշային Աղվան Ալեքսանյանը։

Եվս 3 բռնցքամարտիկ` Արեն Ասլամազյանը, Յուրա Բաբլումյանը և Հենրի Ճղրիկյանը հայրենիք կվերադառնա բրոնզե մեդալով։

Միաժամանակ Գրոզնի քաղաքում ավարտվել է Ա. Խ Կադիրովի հիշատակին նվիրված բռնցքամարտի միջազգային 16 րդ մրցաշարը։

Մեր բռնցքամարտիկներից պատվո հարթակի 3-րդ աստիճանին են կանգնել 54 կգ քաշային Ռուբեն Գարբոյանը և 67 կգ քաշային Արմեն Մաշակարյանը։