Արցախի Սահմանադրության մեջ պետության լուծարման մասին ոչինչ չկա։ Այս մասին ԱԺ նիստում հայտարարել է ընդդիմադիր պատգամավոր Արթուր Խաչատրյանը՝ անդրադառնալով Ալեն Սիմոնյանի հայտարարություններին։
«Ակնհայտ է, որ Արցախի Հանրապետության նախագահն այդ փաստաթուղթը ստորագրել է, որպեսզի կանխի ջարդը, որովհետև երբ հայկական ԶՈւ-ն առանց որևէ փաստաթղթի դուրս եկավ Արցախից, ադրբեջանական զորքերը սկսել էին ջարդել արցախցիներին։
Արցախի նախագահն ասել է՝ այդ փաստաթուղթը ինքը չեղյալ է համարել, այն որևէ տեղ հրապարակված չի էլ եղել։ Ընդ որում՝ ՀՀ ԶՈՒ-ի՝ Արցախից դուրս գալու որոշման թուղթն էլ չի հրապարակվել։
Երկու փաստաթուղթն էլ չեք տեսել, ինչո՞ւ եք առաջինով առաջնորդվում»,- նշել է Խաչատրյանը։
Ի պատասխան Խաչատրյանի խոսքին՝ ԱԺ նախագահ Ալեն Սիմոնյանը հայտարարել է՝ ինձ համար Արցախի նախագահ գոյություն չունի, կա միայն ՀՀ Սահմանադրություն։