Արցախի Հանրապետությունը լուծարված չէ: Այս մասին ֆեյսբուքյան իր էջում գրել է Արցախի ԱԺ պատգամավոր Մետաքսե Հակոբյանը՝ անդրադառնալով ՀՀ ԱԺ նախագահ Ալեն Սիմոնյանի հայտարարությանն առ այն, թե Արցախի Հանրապետությունն իրեն լուծարել է։
«Արցախի Հանրապետությունը, ՀՀ իշխանությունների վարած քաղաքականության արդյունքում, օկուպացվել է թշնամի ադրբեջանի կողմից…»,- գրել է Հակոբյանը։
Հիշեցնենք, որ Ալեն Սիմոնյանը Ազգային ժողովում ելույթ ունենալիս, ի պատասխան Արծվիկ Մինասյանի հարցին, թե ինչու Արցախի ԱԺ-ի հետ միջխորհրդարանական հանձնաժողովը նիստեր չի անցկացնում, հայտարարել է. «Արցախի Հանրապետությունն իրեն լուծարել է, Լեռնային Ղարաբաղի, Արցախի որևէ պաշտոնյա այլևս գոյոթյուն չունի»։