Ինդոնեզիայի Պապուա նահանգում ինքնաթիռը, որում եղել է 48 ուղեւոր, դուրս է եկել թռիչքուղուց։ Միջադեպի հետեւանքով մի քանի ուղեւոր վիրավորվել է։ Բոլոր տուժածները տեղափոխվել են հիվանդանոց, հայտնում է РИА Новости-ն՝ վկայակոչելով Արդյանի ոստիկանության պետ Ուկի Հերկախիոյին։

Իրավապահները հետաքննում են միջադեպը: Ոստիկանապետը վստահեցրել է, որ ձեռնարկվելու են բոլոր անհրաժեշտ միջոցները՝ հետագայում նմանատիպ դեպքերը կանխելու համար։

Մեկ այլ միջադեպ ինքնաթիռի հետ տեղի է ունեցել սեպտեմբերի 8-ի երեկոյան։ Մոսկվայից Ստամբուլ PC389 չվերթն իրականացնող Airbus A320 ինքնաթիռը հարկադիր վայրէջք է կատարել Վարշավայի օդանավակայանում։ Ինքնաթիռը օդանավակայանից դուրս է եկել 04:44-ին՝ հինգ ժամ անցկացնելով Լեհաստանի մայրաքաղաքում։