Սեպտեմբերի 10-ին տեղի է ունեցել երկկողմ հանդիպում Ադրբեջանի պաշտպանության նախարար Զաքիր Հասանովի և Վրաստանի պաշտպանության նախարար Իրակլի Չիկովանիի միջև։
Այս մասին ասվում է Ադրբեջանի պաշտպանության նախարարության տեղեկատվության մեջ։
Հանդիպմանը քննարկվել են երկու երկրների միջև ռազմական համագործակցության հեռանկարները, ինչպես նաև մտքերի հանգամանալից փոխանակում է տեղի ունեցել համատեղ վարժանքների ինտենսիվության բարձրացման վերաբերյալ։
Այնուհետև կողմերը քննարկել են տարածաշրջանում խաղաղության և անվտանգության ապահովման, ռազմական, ռազմատեխնիկական, ռազմական կրթության ոլորտներում համագործակցության նոր հեռանկարները, ինչպես նաև փոխադարձ հետաքրքրություն ներկայացնող այլ հարցեր։