Հայաստանի ֆիտնեսներում այսօր աշխատում են մարզիչներ, որոնք իրավունք չունեն աշխատել, չունեն համապատասխան  կրթություն, բայց կատարում են չափազանց կարևոր աշխատանք։ Այս մասին ԱԺ–ում հայտարարել է ՀՀ ԿԳՄՍ փոխնախարար Կարեն Գիլոյանը  «Ֆիզիկական կուլտուրայի և սպորտի մասին» օրենքում փոփոխություններ և լրացումներ կատարելու նախագծի վերաբերյալ։

«Դեպքեր կան, որ ոչ թե կազդուրում են, այլ հակառակը՝ վնասում են այն մարդկանց, ովքեր իրենց առողջությունը վստահել են չորակավորված մասնագետների»,-ասել է Գիլոյանը։

Գիլոյանը նշել է՝ պետք է ամեն ինչ արվի, որպեսզի  մարզիչների արտոնագրի տրամադրման հարցն օրենքով  լուծվի։