ԿԳՄՍ նախարարությունը տեղեկացնում է, որ սեպտեմբերի 11-ին՝ ժամը 19:00-ին,  Կինոյի տանը կկայանա Սերգեյ Փարաջանովի 100-ամյակին նվիրված հոբելյանական միջոցառումների շրջանակում նկարահանված «Ավետարան ըստ Փարաջանովի» վավերագրական ֆիլմի շնորհանդեսը:

Ֆիլմը նկարահանել է «Քաղաքակրթական կամուրջներ» կրթամշակութային հիմնադրամը՝ ՀՀ կրթության, գիտության, մշակույթի և սպորտի նախարարության աջակցությամբ:

Ֆիլմը եզակի է իր ժանրային և ռեժիսորական լուծումներով:

Ֆիլմի մտահղացման հեղինակը և ռեժիսորն է Վիվյեն Բաստաջյան, սցենարի հեղինակները` Աստղիկ Սիմոնյանը և Վիվյեն Բաստաջյանը, բեմադրող  օպերատորը`  Վահագն Տեր-Հակոբյանը, կոմպոզիտորը` Արա Թորոսյանը, նկարիչը` Մադլեն Խաչատրյանը, ֆիլմի խորհրդատուն` Դավիթ Մուրադյան: Գլխավոր դերակատարներն են Վիվյեն Բաստաջյանը, Արամ Կարախանյանը, Դանիել Գեղամյանը: