Հերթական Mirage 2000 կործանիչը վթարի է ենթարկվել: Այս անգամ ինքնաթիռը վթարվել է Թայվան կղզում: Taiwan News թերթի տեղեկություններով՝ ուսումնական թռիչքի ժամանակ կործանիչը կորցրել է քարշուժը:

«Թայվանի ռազմաօդային ուժերի կործանիչն ընկել է ծովը Սինչժու քաղաքի մոտակայքում: Միջադեպը տեղի է ունեցել գիշերային թռիչքի ժամանակ», - ասվում է հրապարակման մեջ:

Ներկայումս կազմակերպվել է օդաչուի որոնումը: Արտակարգ իրավիճակի վայր են ժամանել կղզու զինված ուժերի ներկայացուցիչները:

Mirage 2000-ը ֆրանսիական չորրորդ սերնդի բազմանպատակ կործանիչ է: Այն մշակվել է 1970-ականներին Դասսո ընկերության կողմից, Հանրապետության զինված ուժերում գտնվում է 1984 թվականից: Ինքնաթիռն ակտիվորեն շահագործվում է Ասիայի, Եվրոպայի և Լատինական Ամերիկայի մի շարք պետությունների զինված ուժերի կողմից: