Կապիկի ծաղիկի դեմ առաջին պատվաստանյութը՝ MVA-BN, նախաորակավորվել է ԱՀԿ-ի կողմից, ասվում է Առողջապահության համաշխարհային կազմակերպության հայտարարության մեջ։

 

Ակնկալվում է, որ նախաորակավորման հաստատումը կհեշտացնի պատվաստանյութի ժամանակին և ընդլայնված հասանելիությունը մեծ կարիք ունեցող համայնքներում, նվազեցնելու վարակի փոխանցումը և օգնելու զսպել բռնկումը:

 

ԱՀԿ-ի նախաորակավորման գնահատականը հիմնված է արտադրողի՝ Bavarian Nordic A/S-ի տրամադրած տեղեկատվության և Եվրոպական դեղամիջոցների գործակալության՝ այս պատվաստանյութը թույլատրող կարգավորող մարմնի կողմից տրված տեղեկատվության վրա:

 

 

«Պատվաստանյութի առաջին նախաորակավորումը կարևոր քայլ է այս հիվանդության դեմ պայքարում, ինչպես Աֆրիկայում, այնպես էլ ապագայում առկա բռնկումների համատեքստում»,- ասել է ԱՀԿ գլխավոր տնօրեն Թեդրոս Գեբրեյեսուսը։

 

MVA-BN պատվաստանյութը կարող է տրվել 18 տարեկանից բարձր մարդկանց՝ 2 դոզայի ներարկումով, որը տրվում է 4 շաբաթվա տարբերությամբ: Սառնարանում պահելու դեպքում պատվաստանյութը կարող է պահպանվել 2-8°C ջերմաստիճանում մինչև 8 շաբաթ: