Ռուսաստանը մշտապես պատրաստ է միանալ և օգնել Հարավային Կովկասում հաղորդակցությունների ապաշրջափակման գործընթացին՝ ելնելով Հայաստանի տարածքային ամբողջականության, ինքնիշխանության սկզբունքի առաջնահերթությունից։

Այս մասին Ալավերդիում լրագրողների հետ զրույցում հայտարարել է ՌԴ փոխվարչապետ Ալեքսեյ Օվերչուկը։

Նա նշել է, որ ապաշրջափակումը հնարավոր է այն պայմանավորվածությունների շրջանակներում, որոնք ձեռք են բերվել երեք պետությունների ղեկավարների կողմից և արտացոլվել են 2020 թվականի նոյեմբերի 9-ի եռակողմ հայտարարության մեջ։