Իրանի իշխանությունները կդիտարկեն Պարսից ծոցի մերձակայքում գտնվող քաղաքային կենտրոնները՝ մայրաքաղաքը Թեհրանից տեղափոխելու համար։ Այս մասին երկուշաբթի մամուլի ասուլիսի ժամանակ ասել է Իրանի նախագահ Մասուդ Փեզեշքիանը։

«Աշխարհի խոշոր քաղաքների մեծ մասը գտնվում է ծովի ափին, եկեք կենտրոնանանք այն կենտրոնների վրա, որտեղ կարող ենք մնալ»,-ասել է նա։

Նախկինում Իրանի նախագահն արդեն հայտարարել էր տնտեսական ու բնապահպանական նկատառումներից ելնելով՝ մայրաքաղաքը տեղափոխելու անհրաժեշտության մասին։ Նրա խոսքով՝ Թեհրանը, լինելով երկրի մայրաքաղաք, բախվում է խնդիրների, որոնց լուծումը երկրի իշխանությունները չունեն, բացի մայրաքաղաքն այլ վայր տեղափոխելուց։