Շուշիում անցկացվում է թյուրքական աշխարհի հնագիտության գիտահետազոտական ինստիտուտների և կենտրոնների ասոցիացիայի (ARICA) առաջին նիստը, գրում են ադրբեջանական լրատվամիջոցները: 

Azertac-ի հաղորդմամբ, միջոցառմանը մասնակցում են գիտահետազոտական կենտրոնների ներկայացուցիչներ Ադրբեջանից, Թուրքիայից, Ղազախստանից, Ղրղզստանից, Մոնղոլիայից, Հունգարիայից, Ուզբեկստանից և Թաթարստանից (Ռուսաստան):

Հանդիպումը ծառայել է որպես հարթակ՝ հնագիտական ինստիտուտների և կենտրոնների ներկայացուցիչների համար ընդհանուր խնդիրներ և համագործակցության հնարավորություններ քննարկելու:

Հանդիպման արդյունքներով ստեղծվել է թյուրքական աշխարհի հնագիտության գիտահետազոտական ինստիտուտների և կենտրոնների ասոցիացիան (ARICA), որն ընդգծում է կարևոր քայլ դեպի թյուրքական ժողովուրդների միջև հնագիտական հետազոտությունների ոլորտում համագործակցության ամրապնդումը: