Իրանի իշխանությունները կդիտարկեն Պարսից ծոցի մերձակայքում գտնվող քաղաքային կենտրոնները՝ մայրաքաղաքը Թեհրանից տեղափոխելու համար։

Այս մասին սեպտեմբերի 16-ին մամուլի ասուլիսի ժամանակ ասել է երկրի նախագահ Մասուդ Փեզեշքիանը՝ նշելով, որ աշխարհի խոշոր քաղաքների մեծ մասը գտնվում է ծովի ափին. փոխանցում է ՌԻԱ Նովոստին։

Իրանի նախագահի դիտարկմամբ՝ Թեհրանի մոտակայքում գտնվող գործարանների մեծ մասն անհրաժեշտ հումքը ստանում է Պարսից ծոցից։ 

Ավելի վաղ՝  Իրանի նախագահը հայտարարել է տնտեսական և բնապահպանական նկատառումներով երկրի մայրաքաղաքը տեղափոխելու անհրաժեշտության մասին։