Հավաքական անվտանգության պայմանագրի կազմակերպությունը շարունակում է Հայաստանը դիտարկել որպես իրավահավասար գործընկեր և պատրաստ է երկխոսության բոլոր հարցերի շուրջ։

Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը «Դաշնակիցներ. ՀԱՊԿ» հասարակական-քաղաքական հրատարակչությանը տված հարցազրույցում։

«Ինչպես գիտեք, Հայաստանի ներկայացուցիչները չեն մասնակցել որոշ միջոցառումների։ Այդուհանդերձ, մենք շարունակում ենք Հայաստանը դիտարկել որպես իրավահավասար գործընկեր կազմակերպության ձևաչափում և պատրաստ ենք երկխոսության Երևանի գործընկերների հետ ընթացիկ հարցերի ողջ շրջանակի շուրջ»,- նշել է նա։