Ռուսաստանի արտաքին գործերի նախարարության խոսնակ Մարիա Զախարովան հեգնանքով է արձագանքել Հայաստանի իշխանությունների այն հայտարարություններին, թե իբր Ռուսաստանում պատրաստվել է մի խումբ՝ հանրապետությունում զինված ճանապարհով իշխանությունը զավթելու նպատակով:

Եվրասիական կանանց ֆորումի շրջանակներում լրագրողի հարցին պատասխանելիս Զախարովան ասել է. «Հուսով եմ՝ ոչ այդ պատճառով է փակվել Comedy Club-ը»:

Նախորդ օրը Հայաստանի Քննչական կոմիտեն հայտարարել էր, որ հանրապետությունում չեզոքացվել է մի խումբ, որն իբր հավաքագրել է մասնակիցների և կազմակերպել է նրանց պատրաստությունը Ռուսաստանում՝ Երևանում իշխանությունը զավթելու նպատակով: Սակայն չի նշվել, թե ըստ Երևանի, ով է ՌԴ-ում զբաղվել նման պատրաստությամբ, իսկ կոնկրետ ապացույցներ չեն ներկայացվել: