Իրանի արտաքին գործերի նախարար Աբբաս Արագչին ուրբաթ օրը Թեհրանից մեկնել է Նյու Յորք՝ մասնակցելու Միավորված ազգերի կազմակերպության Գլխավոր ասամբլեայի 79-րդ նստաշրջանին։ Այս մասին տեղեկացնում է ԻՌՆԱ-ն։

Նյու Յորք կատարած այցի ընթացքում Արագչին մի շարք հանդիպումներ կունենա իր գործընկերների հետ։

Իրանի նախագահ Մասուդ Փեզեշկիանը կիրակի օրը Թեհրանից կմեկնի Նյու Յորք՝ մասնակցելու Միավորված ազգերի կազմակերպության Գլխավոր ասամբլեայի (ՄԱԿ-ի ԳԱ) 79-րդ նստաշրջանին։

Նախագահ Փեզեշկիանը պետք է ելույթ ունենա ՄԱԿ-ի ԳԱ նստաշրջանում սեպտեմբերի 24-ին, որտեղ նա կներկայացնի Իսլամական Հանրապետության տեսակետներն ու դիրքորոշումները տարբեր հարցերի վերաբերյալ։