Ֆրանսիան կարող է օգտակար լինել Հայաստանին թե՛ երկրի անվտանգության հետ կապված խնդիրները լուծելու, թե՛ Լեռնային Ղարաբաղի հակամարտության կարգավորման հարցում: Այս մասին Ջերմուկում լրագրողների հետ զրույցում ասել է ՀՀ անվտանգության խորհրդի քարտուղար Արմեն Գրիգորյանը։

«Ֆրանսիան շարունակում է ճանապարհներ փնտրել Հայաստանին օգնելու հարցում, որպես ԵԱՀԿ Մինսկի խմբի համանախագահ՝ Ֆրանսիան շարունակում է հետաքրքրված մնալ ԼՂ հարցով», - ասել է նա։

ՀՀ ԱԽ քարտուղարը նշել է, որ  Հայաստանը ակտիվ աշխատում է միջազգային գործընկերների հետ՝ Լաչինի միջանցք և Լեռնային Ղարաբաղ միջազգային  միջազգային փաստահավաք առաքելություն ուղարկելու հարցով։

«Դա քննարկում ենք նաև Ֆրանսիայի հետ և ակնկալիք ունենք, որ աջակցություն կստանանք»,- ասել է ՀՀ ԱԽ քարտուղարը։