Մենք շարունակում ենք կոչ անել վերականգնել անարգել տեղաշարժը Լաչինի միջանցքով՝ համաձայն ձեր երկրների կողմից ստանձնած պարտավորևությունների, բայց նաև համաձայն Արդարադատության միջազգային դատարանի վճռի։ Այդ շրջափակումն արդեն մի քանի ամիս է տևում, և դա ընդունելի չէ ու չի համապատասխպանում միջազգային իրավունքի հանձնառություներին, բացի այդ, մարդասիրական ճգնաժամի ռիսկ է ստեղծում Լեռնային Ղարաբաղի բնակչության համար։

Այս մասին այսօր ՀՀ ԱԳՆ-ում տեղի ուենցած ճեպազրույցի ժամանակ հայտարարեց Ֆրանսիայի Եվրոպայի և արտաքին գործերի նախարար Կատրին Կոլոնան:

«Մենք ցանկանում ենք, որ բանակցություններ վարվեն Լեռնային Ղարաբաղի բնակչության իրավունքների և երաշխիքների շուրջ, ինչպես ձեր վարչապետը ցանկացավ, մարդկային դժվարին հարցերը քննարկելու այդ տարածքում։ Լեռնային Ղարաբաղի բնակչությունը պետք է կարողանա շարունակել ապրել խաղաղության մեջ, անվտանգության մեջ՝ իր մշակույթի և իր ավանդույթների հարգանքով»,-ասաց նախարարը՝ նշելով, որ դա իրենք նաև ադրբեջանական կողմին են ասում։