Ֆրանսիայի նոր կառավարության առաջին նիստը տեղի կունենա երկուշաբթի՝ ժամը 15:00-ին (Մոսկվայի ժամանակով 16:00): Այս մասին հայտարարել է Ելիսեյան պալատի գլխավոր քարտուղար Ալեքսի Կոլերը։

Շաբաթ օրը հայտարարվել է վարչապետ Միշել Բարնյեի կառավարության նոր կազմը: Բարնյեն հինգշաբթի օրը Ֆրանսիայի նախագահ Էմանուել Մակրոնին է ներկայացրել 38 անուն պարունակող ցուցակը, որում ընդգրկված են 16 նախարար և 22 տեղակալ ու քարտուղար:

Նոր կառավարության կազմում յոթ անդամ պատկանում են նախագահի կուսակցությանը, միայն 3-ը՝ հանրապետականների կուսակցությանը, որի անդամ է նաև ինքը՝ Բարնյեն: Մնացածը ներկայացնում են աջերին և կենտրոնամետներին (MoDem, Horizons), որոնք նույնպես մաս են կազմում խորհրդարանում նախագահական կոալիցիայի:

Այս հայտարարությունը արվել է շաբաթ երեկոյան և հեռարձակվել է նախագահի գրասենյակի պաշտոնական X հաշվում: