Հարավաֆրիկյան Հանրապետությունում անսպասելի տեղացած ձյունը կաթվածահար է արել ճանապարհների երթեւեկությունը։ Այս մասին հայտնում է SABC News-ը։

N3-ով երթեւեկող ուղևորները անելանելի իրավիճակում են հայտնվել մայրուղում անցած գիշեր տեղացած առատ ձյան հետևանքով: Ներկայումս փրկարարական աշխատանքներ են իրականացվում, նշում է հեռուստաալիքը։

Հարավաֆրիկյան օդերեւութաբանական ծառայությունն արդեն հրապարակել է ութերորդ մակարդակի նախազգուշացում՝ հարավ-արևմտյան շրջաններում ձյան տեղումների մասին: