Այսօր՝ սեպտեմբերի 23-ին, ավտոմեքենայի և մոպեդի բախում է տեղի ունեցել Երևանում: Ժամը 13:10-ի սահմաններում Սասունցի Դավիթ փողոցի թիվ 13/1 հասցեի դիմաց, ժողովրդին հայտնի Բութանիա թաղամասում բախվել են «Nissan» մակնիշի ավտոմեքենան ու մոպեդը, հաղորդում է Shamshyan.com-ը:

Բախման հետևանքով մոպեդը կողաշրջվել է, մոպեդավարին առաջինը օգնության են հասել այդ պահին նշված վայրում գտնվող քաղաքացիները:

Օպերատիվորեն ժամանել են Երևանի «1-03» շտապօգնության բժիշկների հերթապահ խումբը, ովքեր տեղում բուժօգնություն են ցուցաբերել մոպեդավարին, սակայն վերջինս հրաժարվել է հիվանդանոց մեկնել:

Դեպքի փաստով ՊԾ Երևան քաղաքի գնդի 2-րդ գումարտակում փաստաթղթեր են ձևակերպվում, որտեղ էլ պարզվում է ավտոմեքենայի վարորդի և մոպեդավարի ինքնությունը: 

Կայքի տեղեկություններով՝ ավտոմեքենան ու մոպեդը պատկանում են «Yandex» ծառայությանը: