Բեյրութում Ռուսաստանի դեսպանատունը կոչ է անում ռուսաստանցիներին զերծ մնալ Լիբանան զբոսաշրջային ուղևորություններից և լքել երկրի տարածքը։

Այս մասին «Россия-24» հեռուստաալիքի եթերում հայտարարել է Լիբանանում ՌԴ դեսպան Ալեքսանդր Ռուդակովը։

«Հիշեցնում ենք ձեզ, որ այժմ զբոսաշրջային ճանապարհորդությունների ժամանակը չէ, և նրանց, ովքեր այստեղ՝ Լիբանանում, իրենց անապահով են զգում, խորհուրդ ենք տալիս օգտվել կոմերցիոն թռիչքներից, մինչ Բեյրութի օդանավակայանը գործում է գրեթե նորմալ ռեժիմով», - ասել է նա։