Հյուսիսում Իսրայելի պաշտպանության ուժերի հրամանատար, գեներալ-մայոր Ուրի Գորդոնը չորեքշաբթի օրը իր զորքերին ասել է, որ «մենք պետք է շատ պատրաստ լինենք ագրեսիվ կերպով շարժվելու և ներխուժելու» Լիբանան Հեզբոլլահի դեմ աճող էսկալացիայի պայմաններում, հաղորդում է Jerusalem Post-ը:

Խոսելով 7-րդ բրիգադի հետ՝ նա ընդգծել է, որ իրենց գործողությունները պետք է փոխեն հյուսիսային Իսրայելի 60 հազար բնակիչների անվտանգության իրավիճակը, որոնք գրեթե մեկ տարի տարհանվել են իրենց տներից։

«Մենք թեւակոխել ենք հակամարտության նոր փուլ, և այժմ մենք կռվում ենք «Հյուսիսի նետեր» գործողության շրջանակներում»,- ասել է նա։

«Գործողությունը սկսվեց «Հըզբոլլահի» հնարավորությունների վրա շատ կոշտ հարձակումներով՝ կենտրոնանալով նրա (հեռահար) կրակի վրա՝ միաժամանակ զգալի վնաս հասցնելով նրա հրամանատարներին», - ասել է իսրայելցի գեներալը։