Մեծ Բրիտանիան զորքերը տեղափոխում է Կիպրոս՝ օգնելու համար տարհանել Լիբանանում արգելափակված քաղաքացիներին, միաժամանակ վարչապետ Քիր Սթարմերը հարցերը դիվանագիտական ճանապարհով լուծելու և անհապաղ հրադադարի կոչ է արել, հայտնում է Reuters-ը։

«Ես կոչ եմ անում բոլոր կողմերին հետ կանգնել եզրագծից և թուլացնել լարվածությունը»,-նշել է Սթարմերը: «Մեզ հրադադար է պետք, որպեսզի ամեն ինչ դիվանագիտական ​​ճանապարհով լուծվի».

Իսրայելի վերջին ավիահարվածները Լիբանանում 1975-1990 թվականների քաղաքացիական պատերազմի ավարտից ի վեր ամենամահաբերն էին, և Սթարմերը բրիտանացի քաղաքացիներին խորհուրդ է տվել լքել երկիրը, քանի դեռ առևտրային թռիչքներ են գործում: