Թուրքիայի նախագահ Ռեջեփ Թայիփ Էրդողանը երեկ վաղ առավոտյան մեկնել է Նյու Յորքից՝ բաց թողնելով ԱՄՆ նախագահ Ջո Բայդենի կողմից ՄԱԿ-ի Գլխավոր վեհաժողովին մասնակցող համաշխարհային առաջնորդների համար կազմակերպված ընթրիքը։

Սպասվում էր, որ Էրդողանը մասնակցելու էր սեպտեմբերի 25-ին կայանալիք ընթրիքին, սակայն հանդիպումներն ավարտելուց հետո նա կնոջ հետ մեկնել է Նյու Յորքից։ Այս մասին գրում են լրատվամիջոցները։ 

Ավելի վաղ հայտարարվել էր, որ Էրդողանը միանալու է Բայդենի միջոցառմանը։ Պլանների փոփոխության վերաբերյալ Անկարայից պաշտոնական պարզաբանում չի եղել։ Այնուամենայնիվ, թուրքական լրատվամիջոցներում շրջանառվում է ենթադրություն, որ Էրդողանի որոշումը կապված է Գազայի և Լիբանանի վրա Իսրայելի հարձակումներին ԱՄՆ վարչակազմի աջակցության հետ, ինչը նա խստորեն քննադատել է Գլխավոր վեհաժողովում իր ելույթի ժամանակ։